Gipuzkoako Bertsolari Txapelketako sailkapen fasearen lehen itzuliko bigarren saioa egingo dute Getariako Kultur Etxean, maiatzaren 9an 19:00etan. Urola Kostako Hitza Gukak bi sarrera bikoitz zozkatuko ditu bazkideen artean. Getariako saioan sei bertsolarik hartuko dute parte: Ekain Tolaretxipi Erraztik, Jon Altuna Arteagak, Odei Lopez Larraurik, Oier Aizpurua Olaizolak, Txomin Azpiroz De Pedrok, eta Urko Arregi Markuletak.
Sarreren zozketan parte hartu nahi duten bazkideek maiatzaren 8ko 12:00etara arteko epea izango dute. Zozketan parte hartzeko, honako lotura honetan eman daiteke izena, edota 943-56 01 64 telefonora deituta. Horrela egiten dutenek NA zenbakia eta zozketaren kodea tekleatu beharko dituzte. Kasu honetan, zozketaren kodea 28 da.