San Prudentzio eguna gaur den arren, atzotik festa giroan murgilduta daude getariarrak auzo horretan. Atzokoan, bertso bazkaria egin zuten eguardian, Unai Iturriaga eta Nerea Elustondo bertsolariekin. Ondoren, gozamenarekin jarraitzeko, Nafarjito festa egin zuten bertaratu zirenek. Jende ugari izan zen bertan, eta musika eta janaria aitzaki zoragarriak izan ziren getariarrek ondo pasatzeko.
Gaur goizean txistulariak izan dira San Prudentzion, eta 12:00etan haurrentzako herri kirol jolasak egongo dira bertan. Jarraian Gure Txeruko dantzariek emanaldia egingo dute, eta bazkal aurretik, 13:00 aldean, Ekaintxou pailazoak Slapstik ikuskizuna eskainiko du.