Helduen zein haurren gozamenerako jarduerak izango dira datorren asteazkenean, hilaren 8an, Aizarnazabalen, Samiel Txiki jaien aitzakian. 17:00etan, herriko umeen krosa egingo dute, adinaren arabera banatuta. Behin lasterketa amaituta, domina emango zaie parte hartzen duten ume guztiei. 17:30ean, berriz, Samiel Txiki eguneko meza izango da, eta eguna borobiltzeko, 19:00etan, Joxe Mendizabal trikitilariak dantzaldia eskainiko du plazan.
Horrez gainera, hilaren 10ean, ostirala, Samiel Txiki eguneko emanaldia eskainiko dute Alaitsu musika eta dantza elkarteko dantzariek. 18:30ean jarri dute hitzordua, herriko plazan.